Léieren um Haff - Weirich Gostingen

Weirich.lu ass e Familljebetrib / Aussiedlerhaff zu Gouschteng bei der Musel.

Bei eis um Haff läit de Schwéierpunkt ob de Mëllechkéi mat hirer Nozuucht an och dem Fleeschvéi.

Nieft de Kéi baue mir och Kären un

an am Wéngert gëtt et eis och ni langweileg.

Chrëschtaktivitéit 2017 den 16. Dezember 2017 14:00 - 16:30

Mir preparéieren de Kéi ee Chrëschtmenü

Mir kachen a drénke Schockelasmëllech

Mir lauschteren eng Ieselsgeschicht bäi den Ieselen am Hee

Mir bastelen ee Stär mat Hee

Fir Kanner vun 4-7 Joer

Präis ob Nofro

Krëschtdag Kou

Dat sinn eis Mëllechkéi (Holstein a Braunvieh). Si ginn eis all Dag gutt Mëllech, déi mir un d'Luxlait liwweren.
Ob eisem Haff wunnen och d’Charolaisen (Fleeschvéi), dat heescht de Stéier mat senge Kéi a senge Kaalwer als grouss Famill. Si ginn eis gutt Rëndfleesch.
Bei eisem Stall lafen och d’Highlander. Si brauche kee Stall, dat sinn eis Naturborschten. Si halen d’Hiwwele propper.
D'Freed vun eise Kanner sinn eis Klengdéieren : Ieselen, Kanéngercher, Hénger a Kazen. Si dinn eisen Häerzer gutt a suerge fir déi néideg Rou.

An deene wuessen Drauwe wäiss a rout.
100 Deeg no der Bléi ginn si mat Léift gelies an an de Keller vun Domaines Vinsmoselle gefouert.

De Wee vum Gras zur Mëllech :

Wat frësst eng Kou?

Wéi a wou liewt eng Kou?

Wéini a wéi laang gëtt eng Kou Mëllech?
De Wee vum Kär zum Miel :

Wéi eng Käresorten ginn zu Lëtzebuerg ugebaut?

Wéi fonktionnéiert e Mähdrescher?

Wat maache mir mat de Kären?
De Wee vum Riefstack an d'Drauwebidden :

Wéi a wou wuesen d'Drauwen?

Wat maache mir mat den Drauwen?

Mir bidden aktivt Léieren um Haff, wou Spill a Spaass net ze kuerz kënnt. Learning by doing.
Eis Stalldiere sinn op fir Schoulklassen vum Cycle 1 bis 4 a Crèchen.
Weirich.lu fannt dir zu Gouschteng an der Rue Sangels, 1 km Richtung Uewerdonven.
Sidd dir interesséiert, da maacht nach haut e Rendezvous beim Marianne ärem Usproochpartner (+352 621 219040). Eis Déieren a mir freeë sech op äre Besuch.

Hei nach e puer Fotoen vun eisem Stall :